حمدان المري بعض العلاقات

قصيدة بعض العلاقات

تعبت من تعديل بعض العلاقات
اللي تبي كل اربع أيام تعديل

وتعبت اصامد طيش الايام بسكات
وانا مانا اتعب في وجيه الرياجيل

وتعبت من حب" على غير مشهات
وانا أعتزلت الحب وملاوع الويل

أثر المحبه فالزمن ذا دعايات
وحنا بجيل وصادق الود في جيل

اللي يقول ان الوفا حي ما مات
كنه اللي شاهد فالضحى نجمة سهيل

أما تأثر بالقصص والروايات
والا مع اللي صدقو كذبة ابريل

ياما سهرنا والسهر بعض الاوقات
ما من وراه الا الشقى والغرابيل

وياما كتبنا يا قصيدي والابيات
في غير اهلها ما ترد المحاصيل

بنات فكري خيل مربط جزيلات
ماهوب مربط افرق السوم وتشيل

نعسفها عسف المهار الاصيلات
إيلين ملينا من عسافة الخيل

ياليل جفني من عنا الوقت مابات
كن في ضلوعي دق نجر ومعاميل

ليت الغلا للي توده من الذات
يمحاه صبري والليال المقابيل

لو البكا بيفيدني...رد الأموات
ولو الجفا بيضر..ما عاد بي حيل

تدري البكا من سابع المستحيلات
عييت عيوني ترخص الدمع ويسيل

سلم على اللي تحسبنها إلى جات
بتعين ضلوع" جفتها مداهيل

يا رخصها من عقب ذا الليل بالذات
ويا غليها غلياه قدام ذا الليل

رح قل لها لبلادها (ست) رحلات
تختار وتعجل ومن دون تأجيل

تقفي ولا تكثر علي التلفات
أهل مصر ما تبكي الا على النيل

ما عاد عندي غير قطع العلاقات
اللي تبي كل اربع ايام تعديل

لبى كل كلمه قالها كلام روعه

لو البكا بيفيدني...رد الأموات
ولو الجفا بيضر..ما عاد بي حيل

^ . ^ Crying or Very sad

حمدان المري بعض العلاقات

حمدان المري بعض العلاقات

رد: حمدان المري بعض العلاقات